العاب قص شعر/العاب دبابات/العاب كرة قدم/العاب مكياج/العاب سيارات سباق/العاب سبونج بوب/العاب ماريو/العاب تلبيس/العاب اكشن نار/ adslsolutionsالعاب مغامرات/العاب ذكاء/العاب اطفال/العاب طبخ بنات/العاب باربي/العاب بن تن/العاب بوس/العاب تلوين/العاب ديكور


العودة   نادى الاتصالات والتقنية > الانترنت اللاسلكي و الشبكات Wireless & Networks > التقنيات ومشاكل الشبكات اللاسلكية

إضافة رد
 
أدوات الموضوع طريقة عرض الموضوع
قديم 06-03-2010, 04:45 PM   #1
نواف خالد العنزي
عضو نشيط
 
تاريخ التسجيل: Jun 2010
المشاركات: 67
افتراضي شبكة سلكية وال Wireless






في الحقيقة لقيت تساؤل من عضو من أعضائنا الكرام عن اختياره لنوع الشبكة اللي هيقوم بتوصيلها هل هي من النوع السلكي أفضل أم من النوع الاسلكي .

فرديت عليه بنفس الموضوع اللي هقوم أطرحه على حضراتكم ده

1- محتاجين نسأل نفسنا شوسة أسئلة وعلى أساسها هنحدد إيه نوع الشبكة المطلوبة :

أولاً : كم عدد الموجودين داخل الشبكة ؟
ثانيا : هل الغرض من بناء الشبكة هو مشروع تجاري ؟
ثالثا : مدى بعد الأجهزة عن بعضها البعض ؟
رابعا : هل تريد نشر الشبكة على نطاق واسع أو المدى بتاعها يكون كبير ؟
خامسا : السؤال ده كان المفروض يكون أول سؤال وهو معاك قد إيه علشان تنشأ الشبكة دي ؟

بعد ما نسأل نفسنا الأسئلة دي هنبدأ نتكلم أكتر :

الشبكة الـمربوطة بكابلات اللي هية شبكة DSL عادية بنستخدم فيها :

1- كروت لان Base 100kb/sec وهي كروت من النوع PCI CARD والتكلفة بتاعتها بتكون مش غالية خالص يعني بيوصل ثمن الكارت كحد أقصى إلى 35 جنيه مصري وذلك مع النوع D-Link وهنحتاج واحد منه لكل مشترك داخل الشبكة .



2- جهاز مودم وده علشان توصيل الانترنت : بعد الاشتراك مع الشركة الموزعة للإنترنت والتعاقد معها على أي سرعة بداية من 256 إلى 2048 ودي السرعة بالكيلو بايت هنحتاج إلى جهاز مودم لاستقبال الإشارة من المصدر وإلى الأجهزة واستقبالها من الأجهزة وإرسالها إلى المصدر وهكذا وده بتبدأ أسعاره من 225 جنيه إلى 1500 ونصيحتي إنك تشتري جهاز مودم من النوع Alcatel Speed Touch ممكن يكون الإصدار 510 وده تكلفته حوالي 400 جنيه كحد أقصى .



3- محتاجين لجهاز سويتش وده علشان نقوم بالربط بين الأجهزة وبعضها عن طريقه وممكن يكون 8 بورت 8Port على سبيل المثال وفي الحالة دي ممكن يشيل 7 أجهزة لأن خانة منه هتكون موصولة مع المودم وده سعره حوالي 70 جنيه مصري .



4- نحتاج كابلات من النوع Cat5 واللي بتكون Twisted Pair وهي عبارة عن كابلات من 8 أطراف سلك يتم توصيلها بالكروت والسويتش .



5- نحتاج إلى كونكتور بيكون إسمه RJ45 على حسب عدد الأجهزة ، نحتاج في كل جهاز إلى عدد 2 كونكتور والسعر بتاعه تقريبا ببلاش الواحد منه بيوصل 10 قروش كحد أقصى .



طريقة التوصيل :

1- يتم توصيل المودم مع الخط الي جاي من الشركة اللي هتتعاقد معها وتجربة الخط مع جهاز واحد على الأقل لضمان وجود الخدمة .

2- توصيل المودم مع الجهاز سويتش عن طريق كابل من النوع اللي ذكرناه سالفا وطريقة التوصيل في الرابط ده :



3- يتم ربط السويتش مع باقي الأجهزة واحد يلي الآخر بعد تركيب كروت اللان وتعريفها .

4- يتم وضع عناوين الآيبي لكل جهاز وممكن تستفيد من ده عن طريق الرابط التالي :



المميزات في توصيل الشبكات السلكية :

1- سرعة نقل البيانات داخل الشبكة الداخلية بتكون سريعة نسبيا نظرا للتوصيل عن طريق كابلات .

2- الربط بين الأجهزة بيكون سهل جدا .

3- ينصح باستعماله في وجود الأجهزة داخل نطاقات محدودة .

4- مقارنة بالشبكات اللاسليكة دول أهم المميزات بس .

العيوب :

1- صعبة الصيانة حيث أن أغلب العيوب بيكون ناتج عن قطع السلك وبنضطر لتغييره .

2- لو كان الكابل موجود بخارج المنزل بيتأثر بالعوامل الجوية وبعد فرتة برضه بنضطر لتغيير الكابل .

3- لا تزيد المسافة عن أي سويتش يتم تركيبه عن 90 متر كحد أقصى وبعدها الإشارة بتكون تقريبا فقدناها نظرا لقلة جودة الأسلاك .

وبكده نكون تقريبا عرفنا مميزات وعيوب الشبكات السلكية .

في الحقيقة حبيت أتكلم عن الشبكات السلكية أولا علشان الفرق بينها وبين اللاسليكة كبير سواء في التكلفة أو في المميزات والعيوب .

الشبكات اللاسلكية Wireless :

ودي بتتكون من :

1- كروت لان Wireless Base 54;b أو 108;b ودي بيتم الربط معاها والمودم والتكلفة بتاعتها بتكون عالية نسبيا لأن الكارت بيبدأ من 100 جنيه مصري ولحد 300 جنيه وأفضلهم من وجهة نظري TP-Link وده صيني الصنع بس ممتاز وعن تجربة وسعره حوالي 130 جنيه أو Repotic وموجود منه ماليزي وصيني وده منخفض نسبيا في السعر بوصل لحد 120 جنيه ده بالنسبة للـ 54kb .



2- مودم من النوع Wireliss وممكن يكون سلكي على أساس نجمع بين شبكة سلكية ولا سلكية في نفس الوقت ودي طبعا هتوفر علينا ماديا بحيث اللي قريب مننا نوصله سلكيا والبعيد عننا نوصله لا سلكيا وده بيكون في حدود 600 جنيه مصري .



3- في حالة إذا أردنا تحويل الإشارة من سلكية إلى لا سلكية يتم شراء جهاز أكسس بوينت أي نقطة وصول وده بيكون مهمته في تحويل الإشارة من سلكية إلى لا سلكية والعكس وده في حدود من 275 إلى 700 جنيه مصري وأقترح شراءه من النوع TP-Link وذلك لأسباب تتعلق بالتكنولوجيا الموجودة به وأنه بيدعم أكتر من نظام تشغيل .



4- في حال أردنا تقوية الإشارة وبثها في نطاق واسع يتم الاستعاضة عن الأنتينا اللي جاية مع الأكسس بوينت وشراء أنتينا من النوع Omni ودي بتقوم بتقوية البث في نطاقات واسعة بتصل إلى 5 كيلو متر - يعني دائرة نصف قطرها 5 كيلو متر ودي طبعا بتكون غالية بتبدأ أسعارها من 1000 جنيه وإنت طالع ( ربنا يعينك ) .



5- نوع الأجهزة بتاعتنا هيكون في التردد 2.4 جيجا هرتز .

6- ممكن نحتاج إلى أمب Amplifire وده بيقوم ببث الإشارة في نطاقات واسعة يعني لو عندنا أكسس بوينت بيقوم ببث الإشارة وراكب معاه أنتينا بتبث ولنفرض لحد 1 كيلو متر لو ركبنا أمب ممكن الإشراة توصل لحد 4 كيلو متر في المساحات الخالية .

طريقة التوصيل :

1- يتم توصيل المودم اللاسلكي مع خط الــ Dsl بتاعنا .

2- الذهاب إلى أي جهاز يكون في نطاق المودم وتركيب كارت اللان وتعريفه والبحث عن الشبكات المحيطة والربط مع المودم .

3- إدخال الأيبيهات وبكده نكون وصلنا الواير ليس بتاعنا وألف مبروك .

4- إذا كان الحال عندنا وجود مودم سلكي يبأة طريقة التوصيل هتكون كالآتي :

- توصيل الأكسس بوينت مع السويتش اللي بالتالي موصول مع المودم .
- اتباع الإرشادات اللي موجودة مع الأكسس بوينت علشان تتم البرمجة .
- وبكده نكون حولنا الإشارة من سلكي إلى لا سلكي .

5- إذا أردنا توصيل الأنتينا مع الأكسس بنقوم برفع الأكسس على السطوح مثلا ويكون على ارتفاع عالي على قد ما نقدر ونوصله سلكيا مع السويتش اللي ممكن يكون موجود عندك داخل البناية وبعدين نربطة مع الأنتينا عن طريق كابل كواكسل ذو ممانعة 50 أوم وده بيكون من النحاس ممكن ييجي مع الأنتينا وممكن لأ لو مكنشي معاها يبأة هنضطر نشتريه ونوصله ولو كان موجود عندنا أمب هنركبه بين الأنتينا والأكسس .

المميزات :

1- طبعا سهل الصيانة .

2- الوصول إلى أماكن يصعب على الكابلات السلكية الوصول إليها .

3- الانتشار .

4- توصيله سهل جدا .

العيوب :

1- يصعب الربط بين الجهاز والمودم أو الجهاز والأكسس إذا كانت هناك جدران لأنه بيحتاج إلى مساحات فاضية .

2- لو أردنا التوصيل على بعد مسافة يباة محتاجين لكوابل كواكسل ذي ممانعة 50 أوم وبنقوم برفع الأنيتنا بتاعت الكارت إلى سطح البناية اللي مقيمين فيها وتكون شايفة الأنتينا الموصولة بالأكسس بوينت يعني لو بصينا للأنتينا اللي مربوطة بالأكسس بوينت نكون شايفينها بأعيينا أو بكاميرا معظمة على أساس لو كانت بعيدة عننا .

3- غالية في التكلفة زي ما هو واضح ودي قدرات مادية كل واحد واستطاعته .

وبكده بيتهيألي إني أكون وفيت ولو جزء من تساؤلاتكم ؟




من مواضيعي في المنتدي

نواف خالد العنزي غير متواجد حالياً   رد مع اقتباس
إضافة رد

أدوات الموضوع
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر رد
تحميل Wireless WEP Key Password Spy سر العشـــاق تقنيات ومشاكل الشبكات السلكية 0 07-10-2010 04:21 PM
طريقة إعداد الواير لس Wireless سمراء تقنيات ومشاكل الشبكات السلكية 0 06-27-2010 08:35 PM
شرح طريقة إعداد الواير لس Wireless ماجد قسم مشتركي DSL 0 06-09-2010 05:55 PM
الشبكات اللاسلكيه Wireless Networks الدرس العاشر نواف خالد العنزي التقنيات ومشاكل الشبكات اللاسلكية 0 06-03-2010 04:34 PM
الشبكات اللاسلكيه Wireless Networks الدرس السادس نواف خالد العنزي التقنيات ومشاكل الشبكات اللاسلكية 0 06-03-2010 04:31 PM


الساعة الآن 12:04 AM.


dsl.adslsolutions.net